ဘုရားသခင်၏ စကားတော် | အနှစ်တစ်ထောင် နိုင်ငံတော် ရောက်ရှိလာပြီ

ဘုရားသခင်က ဤလူစုများအထဲ၌ မည်သည့်အမှုကို ပြီးမြောက်အောင် ဆောင်ရွက်လိမ့်မည် ဟူသည့်အကြောင်းကို သင်တို့ တွေ့မြင်ခဲ့ပြီးပြီလော။ ဘုရားသခင်က အနှစ်တစ်ထောင် နိုင်ငံတော်ထဲ၌ပင်လျှင် လူများသည် သူ၏ ရှေ့ဆက်ဖွင့်ဆိုချက်များကို လိုက်လျှောက်ရမည်၊ အနာဂတ်တွင် ဘုရားသခင်၏ဖွင့်ဆိုချက်များသည် ကောင်းသော ခါနန်ပြည်၌ရှိသည့် လူများ၏အသက်တာကို တိုက်ရိုက် လမ်းညွှန်မည်ဟု မိန့်ခဲ့ပါသည်။ မောရှေသည် တောထဲ၌ ရှိနေစဉ်အခါ ဘုရားသခင်က သူ့ကို တိုက်ရိုက်လမ်းညွှန်ပြီး စကားပြောခဲ့သည်။ ဘုရားသခင်သည် လူများ သာယာဝပြောဖို့ အစားအစာ၊ ရေနှင့် မန္နမုန့်များကို ကောင်းကင်ဘုံမှ ချပေးခဲ့သကဲ့သို့ ယနေ့တွင်လည်း ဘုရားသခင်သည် လူများ ၀၀လင်လင် စားဖို့၊ သောက်ဖို့အတွက် အရာများကို ကိုယ်တိုင်ကိုယ်ကျ ချပေးသကဲ့သို့၊ လူများကို ပြစ်တင်ဆုံးမရန် အတွက်လည်း ကျိန်ဆိုခြင်းများကို ကိုယ်တိုင်ကိုယ်ကျ ပေးနေတုန်းပင် ဖြစ်သည်။ ထို့ကြောင့် သူ့အမှု၏ အဆင့်တိုင်းသည် ဘုရားသခင်၏ ကိုယ်တိုင်ကိုယ်ကျ ဖော်ဆောင်မှုပင် ဖြစ်သည်။ ယနေ့ လူများက ဖြစ်ရပ်မှန်များ၏ အဖြစ်အပျက်ကို မျှော်လင့်တောင့်တကြသည်၊ နိမိတ်လက္ခဏာများနှင့် အံ့ဖွယ်သော အမှုများကို မြင်ချင်ကြသည်၊ ဘုရားသခင်၏အမှုသည် တိုး၍တိုး၍ စစ်မှန်လာသည့်အတွက်ကြောင့် ထိုသို့သောလူများ အားလုံးသည် ပစ်ပယ်ခြင်း ခံရနိုင်ပါသည်။ ဘုရားသခင်သည် ကောင်းကင်ဘုံမှ ဆင်းသက်လာခဲ့ပြီး ဖြစ်သည် ဆိုခြင်းကို မည်သူမျှ မသိကြပါ။ ဘုရားသခင်သည် သူတို့အတွက် အစားအစာများနှင့် အာဟာရဖြစ်စေသော အရာများကို ကောင်းကင်ပေါ်မှ ချပေးနေသည် ဆိုခြင်းအား သူတို့ ယခုထိ သတိမမူမိကြသေးပါ။ တကယ်တမ်းတွင် ဘုရားသခင်သည် အမှန်တကယ် တည်ရှိပါသည်၊ ထို့အပြင် လူများ မြင်ယောင်နေသော အနှစ်တစ်ထောင် နိုင်ငံတော်နှင့် ပတ်သက်သည့် နွေးထွေးသော မြင်ကွင်းများသည်လည်း ဘုရားသခင်၏ ကိုယ်တိုင်ကိုယ်ကျ ဖွင့်ဆိုချက်များ ဖြစ်သည်။ ဤအရာသည် အမှန်တရားဖြစ်ပြီး ဤအရာသာလျှင် ကမ္ဘာမြေကြီးပေါ်၌ ဘုရားသခင်နှင့်အတူ အုပ်စိုးခြင်းဖြစ်သည်။ လောကပေါ်တွင် ဘုရားသခင်နှင့် အတူအုပ်စိုးခြင်း ဆိုသည်မှာ လူ့ဇာတိကို ရည်ညွှန်းခြင်း ဖြစ်သည်။ လူ့ဇာတိနှင့် မဟုတ်သော သူများသည် ကမ္ဘာကြီးပေါ်ကသူများ မဟုတ်သည့်အတွက် တတိယကောင်းကင်ဘုံကို တက်ရန် အာရုံထားနေသော ထိုလူများသည် အကျိုးမဲ့သက်သက် ဤကဲ့သို့ ပြုနေကြခြင်းဖြစ်သည်။ တစ်နေ့ စကြဝဠာတစ်ဝှမ်းလုံး ဘုရားသခင်ထံ ပြန်လာသောအခါ အာကာသ အနှံ့အပြားမှ ဘုရားသခင်အမှု၏ ဗဟိုချက်သည် ဘုရားသခင်၏ မိန့်မြွက်ချက် နောက်ကို လိုက်လာမည်၊ အခြားတစ်နေရာရာတွင်တော့ ဘုရားသခင်၏ ဖွင့်ဆိုချက်များကို ရရှိဖို့ အချို့လူများက ဖုန်းခေါ်ကြမည်၊ အချို့ လူများက လေယာဉ်ပျံ စီးနင်းကြမည်၊ အချို့က လှေကိုစီးပြီး ပင်လယ်ကို ဖြတ်ကူးကြမည်၊ အချို့သည် လေဆာကို အသုံးပြုကြမည်။ လူတိုင်းသည် ချစ်ခင်ကြင်နာ ကြလိမ့်မည်၊ တမ်းတခြင်းနှင့် ပြည့်ကြလိမ့်မည်၊ လူတိုင်းသည် ဘုရားသခင် အနားကို ချဉ်းကပ်လာကြမည်။ ပြီးလျှင် ဘုရားသခင်ထံ စုရုံးလာကြမည်။ ပြီးလျှင် အားလုံးသည် ဘုရားသခင်ကို ၀တ်ပြုကြမည်။ ထိုအရာများ အားလုံးသည် ဘုရားသခင်၏ လုပ်ဆောင်ချက်များ ဖြစ်မည်။ ဤအရာကို သတိရပါ။ ဘုရားသခင်သည် အခြား တစ်နေရာရာ၌ နောက်တစ်ကြိမ် မည်သည့်အခါမျှ စတင်တော့မည် မဟုတ်ပေ။ ဘုရားသခင်သည် ဤအချက်အား ပြည့်စုံစေမည် ဖြစ်သည်၊ စကြဝဠာ တစ်လျှောက်လုံး၌ ရှိသော လူများကို သူ့ရှေ့မှောက်သို့ ပြန်လာစေမည်။ ပြီးလျှင် ကမ္ဘာကြီးပေါ်၌ ဘုရားသခင်ကို ကိုးကွယ်စေမည်။ အခြားနေရာများ၌ ရှိသော သူ၏ အမှုသည် ရပ်တန့်သွားမည်ဖြစ်ပြီး လူများသည် မှန်ကန်သော လမ်းခရီးကို ရှာဖွေရန် တွန်းအားပေးခြင်း ခံရမည်။ ဤအရာသည် ယောသပ်ကဲ့သို့ပင် ဖြစ်လိမ့်မည်။ လူတိုင်းသည် အစားအစာကိုရဖို့ သူ့ထံလာကြသည်၊ ပြီးလျှင် သူ့ရှေ့၌ ဦးညွှတ်ကြသည်၊ အဘယ့်ကြောင့်ဆိုလျှင် သူ၌ အစားအစာရှိသောကြောင့် ဖြစ်သည်။ ငတ်မွတ်ခေါင်းပါးခြင်းမှ ကင်းလွတ်ဖို့ လူများသည် မှန်သော လမ်းခရီးကို ရှာဖွေရန် တွန်းအားပေးခြင်း ခံရမည်။ ဘာသာရေးအသိုင်းအဝိုင်း တစ်ခုလုံးသည် ပြင်းထန်သော ငတ်မွတ်ခေါင်းပါးခြင်းကို ခံရလိမ့်မည်ဖြစ်ပြီး ယနေ့ကာလ၏ ဘုရားသခင် တစ်ပါးတည်းသာလျှင် အသက်စမ်းရေတွင်း ဖြစ်ကာ လူများကို ဝမ်းမြောက်ခြင်းများ ထောက်ပံ့ပေးနေပြီး ရေမပြတ်သော စမ်းရေတွင်းကိုလည်း ပိုင်ဆိုင်ထားသည်။ လူများသည် သူ့ထံလာပြီး သူ့ကို မှီခိုကြလိမ့်မည်။ ထိုအချိန်သည် ဘုရားသခင်မှ သူ၏ လုပ်ဆောင်ချက်များကို ဖော်ပြမည့် အချိန်မှာ ဖြစ်လိမ့်မည်။ ဘုရားသခင်သည် ဘုန်းထင်ရှားခြင်း ရှိလိမ့်မည်၊ စကြဝဠာ တစ်လျှောက်မှ လူများအားလုံးသည် ဤသာမည "လူသား"ကို ၀တ်ပြုကိုးကွယ် ကြလိမ့်မည်။ ဤအရာသည် ဘုရားသခင် ဘုန်းတော်၏ နေ့ရက်ပင် မဟုတ်ပေလော။ တစ်နေ့ အသက်ကြီးသော သင်းအုပ်ဆရာများက အသက်စမ်းရေတွင်းမှ ရေကိုရှာဖွေဖို့ ကြေးနန်းများ ပို့ကြမည်။ သူတို့သည် အသက်အရွယ်ကြီးရင့် လာကြလိမ့်မည်၊ သို့သော် သူတို့ အထင်အမြင်သေးခဲ့သော လူသားကို ၀တ်ပြုကိုးကွယ်ဖို့ လာကြလိမ့်မည်။ သူတို့ နှုတ်များက ဝန်ခံကြလိမ့်မည်၊ သူတို့ နှလုံးသားများသည် ယုံကြည်လာကြမည်။ ထိုသို့ဆိုသော် ဤအရာသည် နိမိတ်လက္ခဏာ၊ အံ့သြဖွယ်ရာပင် မဟုတ်ပေလော။ နိုင်ငံတော်တစ်ဝှမ်းလုံး ၀မ်းမြောက်သည့် အချိန်သည် ဘုရားသခင် ဘုန်းတော်၏နေ့ရက် ဖြစ်သည်။ သင်တို့ထံလာပြီး ဘုရားသခင်၏ သတင်းကောင်းများကို ခံယူသောသူတိုင်းသည် ဘုရားသခင်၏ ကောင်းချီးပေးခြင်းကို ခံရမည်။ ဤတိုင်းနိုင်ငံများနှင့် ဤလူများသည် ဘုရားသခင်၏ ကောင်းချီးနှင့် ဂရုစိုက်ခြင်းကို ခံရလိမ့်မည်။ အနာဂတ်၏ ဦးတည်ချက်များက ဤအရာများ ဖြစ်လိမ့်မည်။ ဘုရားသခင်၏ နှုတ်မှ မိန့်မြွက်ချက်များကို ရရှိသူများသည် လောက၌ လျှောက်လမ်းဖို့ လမ်းကို ရရှိလိမ့်မည်။ စီးပွားရေးသမားများဖြစ်စေ၊ သို့မဟုတ် သိပ္ပံပညာရှင်များဖြစ်စေ၊ သို့မဟုတ် ပညာသင်ကြားပေးသူများဖြစ်စေ၊ သို့မဟုတ် စက်ရုံအလုပ်ရုံ ပိုင်ရှင်များဖြစ်စေ ဘုရားသခင်၏ နှုတ်ကပတ်တော်များ မရှိသောသူသည် ခြေလှမ်းတစ်လှမ်း လှမ်းဖို့ပင် အခက်အခဲများ ဖြစ်မည်ဖြစ်ပြီး မှန်ကန်သော လမ်းခရီးကို ရှာဖွေဖို့ တွန်းအားပေးခြင်းခံရမည်။ "သမ္မာတရားနှင့်အတူဆိုပါက လောကတစ်ခွင်လုံးကို လျှောက်လှမ်းနိုင်မည်ဖြစ်ပြီး သမ္မာတရား မပါဘူးဆိုလျှင် မည်သည့်နေရာကိုမျှ ရောက်မည်မဟုတ် ဟူသည့်အရာမှာ ထိုအရာကို ဆိုလိုခြင်း ဖြစ်သည်။" အမှန်တရားများမှာ ဤသို့ဖြစ်သည်။ ဘုရားသခင်မှာ စကြဝဠာ တစ်ဝှမ်းလုံးကို အမိန့်ပေးဖို့နှင့် လူသားမျိုးနွယ်ကို သိမ်းပိုက်အုပ်စိုး ဖို့ရန်အတွက် လမ်းခရီး (ဆိုလိုသည်မှာ သူ၏ နှုတ်ကပတ်တော်အားလုံး ဖြစ်သည်)ကို အသုံးပြုမည် ဖြစ်သည်။ လူသားများသည် ဘုရားသခင်၏ အမှုပြုခြင်းထဲမှ ကြီးမားသော အလှည့်အပြောင်းများကိုသာ အမြဲမျှော်လင့်ကြသည်။ ပွင့်ပွင့်လင်းလင်း ပြောရလျှင် ဘုရားသခင်သည် နှုတ်ကပတ်တော်များမှတစ်ဆင့် လူများကို ထိန်းချုပ်ခြင်း ဖြစ်ပြီး သင်ဆန္ဒရှိသည်ဖြစ်စေ၊ မရှိသည်ဖြစ်စေ သူပြောသည့်အရာကို သင်လုပ်ဆောင်ရမည် ဖြစ်သည်။ ဤသည်မှာ ဓမ္မဓိဌာန်ကျသော အချက်တစ်ချက်ဖြစ်ပြီး ဤအရာကို အားလုံး နာခံရမည်။ ထို့ကြောင့် ဤအရာသည် ရှောင်လွဲ၍မရသော အရာလည်းဖြစ်သည်၊ အားလုံးမှ သိရှိပြီးသားလည်း ဖြစ်သည်။

သန့်ရှင်းသော ဝိညာဉ်တော်သည် လူများကို ခံစားချက်တစ်ခုပေး၏။ ဘုရားသခင်၏ နှုတ်ကပတ်တော်များကို မရရှိသူများသည် ဗလာနတ္တိကို ခံစားနေရချိန်တွင် ဘုရားသခင်၏ နှုတ်ကပတ်တော်များကို ဖတ်ပြီးသော လူတို့၏နှလုံးသားမှာတော့ တည်ကြည်ခိုင်မြဲမှုရှိပြီး ငြိမ်သက်ခြင်း ရလာသည်။ ဤအရာသည် ဘုရားသခင် နှုတ်ကပတ်တော်များ၏ တန်ခိုးဖြစ်သည်။ လူများသည် ထိုနှုတ်ကပတ်တော်များကို ဖတ်ရှုရမည်။ ဤအရာများကို ဖတ်ရှုပြီးသော နောက်မှာ အာဟာရ ပြည့်ဝလာသည်၊ နှုတ်ကပတ်တော်မပါဘဲ ဘာမှမလုပ်နိုင်ပေ။ ဤအရာသည် လူတို့ဘိန်းရှူ သည့်အခါကဲ့သို့ပင် ဖြစ်သည်၊ နှုတ်ကပတ်တော်သည် သူတို့ကို ခွန်အားပေးသည်၊ နှုတ်ကပတ်တော်မရှိလျှင် သူတို့သည် ယင်း၏ တန်ခိုးကြီးသော ဆွဲခေါ်ခြင်းကို ခံစားရပြီး ခွန်အားမရှိတော့ချေ။ ဤအရာသည် ယနေ့ လူများကြား၌ ဖြစ်တတ်မှုပင် ဖြစ်သည်။ ဘုရားသခင်၏ နှုတ်ကပတ်တော်များကို ဖတ်ရှုခြင်းသည် လူများကို ခွန်အားဖြစ်စေသည်။ အကယ်၍ မဖတ်လျှင် ပင်ပန်းနွမ်းနယ်သလိုခံစားရပြီး ဖတ်လိုက်သည်နှင့် "လူမမာ ကုတင်"ပေါ်မှ ချက်ချင်းကို ထလာနိုင်မည်။ ဤအရာသည် ဘုရားသခင်၏နှုတ်ကပတ်တော် ကမ္ဘာမြေကြီးပေါ်၌ အာဏာစွဲကိုင်ခြင်းနှင့် အုပ်ချုပ်ခြင်း ဖြစ်သည်။ အချို့က ဘုရားသခင်၏ အမှု၌ ငြီးငွေ့လာသည်၊ သို့မဟုတ် အချို့ကတော့ ထွက်ခွာချင်ကြသည်။ သို့သော်လည်းပဲ သူတို့သည် ဘုရားသခင်၏ နှုတ်ကပတ်တော်များကို စွန့်ခွာမသွားနိုင်ကြ။ သူတို့သည် မည်မျှပင် အားနည်းနေသည် ဖြစ်စေ၊ အသက်ရှင်ဖို့ရန်အတွက် ဘုရားသခင်၏ နှုတ်ကပတ်တော်များအပေါ်မှာ မှီခိုနေရပါသည်။ မည်မျှထိ ပုန်ကန်တတ်နေပါစေ၊ ဘုရားသခင်၏ နှုတ်ကပတ်တော်များကို စွန့်ခွာဖို့ သူတို့မဝံ့ရဲကြပါ။ ဘုရားသခင်၏ နှုတ်ကပတ်တော်များသည် သူတို့၏ တန်ခိုးကို ဧကန်အမှန် ပြသသောအချိန်သည် ဘုရားသခင် အုပ်စိုးချိန်နှင့် တန်ခိုးကို ကိုင်ဝင့်သော အချိန်လည်းဖြစ်ပြီး ဤသို့ ဘုရားသခင်က အမှုတော် ဆောင်ရွက်သည်။ စင်စစ်မှာကား ဤအရာသည် ဘုရားသခင် အမှုပြုသည့် နည်းလမ်းဖြစ်ပြီး မည်သူတစ်ဦးတစ်ယောက်မှ ထိုအရာကို မစွန့်ခွာနိုင်ပေ။ ဘုရားသခင်၏ နှုတ်ကပတ်တော်များသည် မရေမတွက်နိုင်သော အိမ်တိုင်းအိမ်တိုင်းစီ ပျံ့နှံ့သွားလိမ့်မည်။ လူတိုင်းက သိလာမည်၊ ထို့နောက်မှ သူ့အမှုသည် စကြဝဠာတစ်ခွင်လုံးကို ပျံ့နှံ့သွားပါလိမ့်မည်။ ပြောရမည်ဆိုလျှင် အကယ်၍ ဘုရားသခင်၏ အမှုသည် စကြဝဠာတစ်ခွင်လုံးကို ပျံ့နှံ့စေဖို့ရန်ဆိုလျှင် သူ၏ နှုတ်ကပတ်တော်များ သည်လည်း ပျံ့နှံ့ရမည် ဖြစ်သည်။ ဘုရားသခင်၏ ဘုန်းတော်နေ့ရက် ရောက်လာသောအခါတွင် ဘုရားသခင်၏ နှုတ်ကပတ်တော်များသည် တန်ခိုးနှင့် အာဏာများကို ပြသလာပါမည်။ ရှေးအတီတေမှစပြီး ယနေ့တိုင်မြွက်ကြားခဲ့သော ဘုရားသခင်၏ နှုတ်ကပတ်တော် အခွန်းတိုင်းသည် ပြည့်စုံပြီး အမှန်တကယ် ဖြစ်လာပါမည်။ ဤနည်းအားဖြင့် ဘုရားသခင်၏ ဘုန်းတော်သည် ကမ္ဘာပေါ်တွင် ထင်ရှားမည်ဖြစ်ပြီး ပြောရမည်ဆိုလျှင် သူ၏ နှုတ်ကပတ်တော်များသည် ကမ္ဘာကြီးကို အုပ်စိုးလိမ့်မည် ဖြစ်သည်။ ဆိုးသွမ်းသောသူ အားလုံးသည် ဘုရားသခင်၏ နှုတ်ထဲက နှုတ်ကပတ်တော်များ၏ ပြစ်တင်ဆုံးမခြင်းကိုခံရမည်၊ ဖြောင့်မတ်သောသူများ အားလုံးသည်လည်း ဘုရားသခင်၏နှုတ်ထဲက နှုတ်ကပတ်တော်များအားဖြင့် ကောင်းချီးပေးခံရမည် ဖြစ်သကဲ့သို့ အရာအားလုံးသည် ဘုရားသခင်၏ နှုတ်ထဲက နှုတ်ကပတ်တော်များအားဖြင့် တည်ထောင်ခြင်းကို ခံရပြီး၊ ပြီးမြောက်အောင် ပြုခြင်းခံရမည်။ နိမိတ်လက္ခဏာနှင့် အံ့ဖွယ်အမှုများကို ပြသမည်မဟုတ်ဘဲ အရာအားလုံးသည် သူ၏နှုတ်ကပတ်တော်များအားဖြင့် ပြီးပြည့်စုံမည်ဖြစ်ပြီး သူ၏ နှုတ်ကပတ်တော်များသည် ဤအချက်အလက်များကို ဖန်တီးပေးမည်ဖြစ်သည်။ လူကြီးဖြစ်စေ၊ လူငယ်ဖြစ်စေ၊ အမျိုးသားဖြစ်စေ၊ အမျိုးသမီးဖြစ်စေ၊ အသက်ကြီးသူဖြစ်စေ၊ အသက်ငယ်သူဖြစ်စေ ကမ္ဘာပေါ်မှာ ရှိနေသော လူများအားလုံးသည် ဘုရားသခင်၏ နှုတ်ကပတ်တော်များအောက်၌ ကျိုးနွံနှိမ့်ချကြပြီး ဘုရားသခင်၏ နှုတ်ကပတ်တော်များကို ချီးမြောက်ကြလိမ့်မည်။ ဘုရားသခင်၏ နှုတ်ကပတ်တော်များသည် လူ့ဇာတိထဲ၌ ပေါ်လာပြီး မြေကြီးပေါ်၌ လူတို့ ထင်ရှားစွာ၊ အသက်ပါပါနှင့် မြင်ခွင့်ရစေသည်။ ဘုရားသခင်၏ နှုတ်ကပတ်တော်သည် လူ့ဇာတိအဖြစ်ကို ခံယူရန်ဆိုသည်မှာ ဤအရာကို ဆိုလိုပါသည်။ ဘုရားသခင်က ကမ္ဘာကြီးထဲကို ကြွလာခြင်းသည် "နှုတ်ကပတ်တော်သည် လူ့ဇာတိကို ခံယူသည်" ဟူသောအချက်ကို ကနဦး ပြည့်စုံစေဖို့ဖြစ်ပြီး ပြောရမည်ဆိုလျှင် ဘုရားသခင် ကြွလာခြင်းသည် သူ၏ နှုတ်ကပတ်တော်များကို (ဓမ္မဟောင်းထဲက မောရှေအချိန်ကဲ့သို့ ဘုရားသခင်သည် ကောင်းကင်မှ တိုက်ရိုက် စကားပြောခြင်းမျိုး မဟုတ်ဘဲ) လူ့ဇာတိထဲမှ ထုတ်ဖော်ရန်ပင်ဖြစ်သည်။ ထို့နောက် သူ၏ နှုတ်ကပတ်တော်တိုင်းသည် နှစ်တစ်ထောင် နိုင်ငံတော်ကာလတွင် ပြည့်စုံမည် ဖြစ်သည်။ ထိုနှုတ်ကပတ်တော်များသည် လူများ၏ မျက်လုံးများရှေ့တွင် မြင်တွေ့နိုင်သော အချက်အလက်များ ဖြစ်လာလိမ့်မည်ဖြစ်ပြီး လူများသည် ထိုအရာများကို ခြားနားခြင်း စိုးစဉ်းမျှမရှိဘဲ သူတို့၏ ကိုယ်ပိုင်မျက်လုံးများကို အသုံးပြုကာ ရှုမြင်ရကြ လိမ့်မည်ဖြစ်သည်။ ဤအရာသည် ဘုရားသခင် လူ့ဇာတိကိုခံယူခြင်း၏ အမြင့်ဆုံးအဓိပ္ပာယ်ဖြစ်သည်။ ပြောရမည်ဆိုလျှင်၊ ဝိညာဉ်တော်၏ အမှုသည် လူ့ဇာတိမှတစ်ဆင့်၊ နှုတ်ကပတ်တော်များမှတစ်ဆင့် ပြည့်စုံလာခြင်းဖြစ်သည်။ ဤအရာသည် "နှုတ်ကပတ်တော်သည် လူ့ဇာတိကို ခံယူသည်"နှင့် "နှုတ်ကပတ်တော်သည် လူ့ဇာတိ၌ ပေါ်လာ၏"တို့၏ စစ်မှန်သော အဓိပ္ပာယ်ပင်ဖြစ်သည်။ ဘုရားသခင် တစ်ပါးတည်းသာ ဝိညာဉ်တော်၏ အလိုကို ပြောနိုင်ပြီး လူ့ဇာတိထဲ၌ရှိသော ဘုရားသခင်ကသာ ဝိညာဉ်တော်ကိုယ်စား ပြောနိုင်သည်။ ဘုရားသခင်၏ နှုတ်ကပတ်တော်များကသာ ဘုရားသခင်၏ လူ့ဇာတိခံယူခြင်း၌ ပေါ်လွင်စေပြီး လူတိုင်းက ထိုအရာများ၏ လမ်းညွှန်မှုကို ခံရသည်။ လူတိုင်းက ဤနယ်ပယ်အတွင်းမှာသာ ရှိနေရပြီး မည်သူကမှ လွတ်ငြိမ်းခွင့် မရပါ။ ဤဖွင့်ဆိုချက်များမှသာ လူများသည် သိလာကြရခြင်းဖြစ်ပြီး၊ ဤနည်းလမ်းနှင့် မရသောသူများသည် အကယ်၍ သူတို့သာ ကောင်းကင်မှ ဖွင့်ဆိုချက်များ ရနိုင်သည်ဟု ယုံကြည်နေလျှင် စိတ်ကူးနှင့် ရူးနေကြခြင်း ဖြစ်သည်။ လူအားလုံးကို ယုံကြည်အောင် ပြုခြင်းမှာ ဘုရားသခင်၏ လူ့ဇာတိခံယူခြင်းမှာ ဖော်ပြထားသော အခွင့်အာဏာ ဖြစ်သည်။ ကြည်ညိုထိုက်သော ပညာရှင်များနှင့် ဘာသာရေး ခေါင်းဆောင်များပင်လျှင် ဤနှုတ်ကပတ်တော်များကို မပြောပြနိုင်ပါ။ သူတို့အားလုံးသည် ထိုနှုတ်ကပတ်တော်များအောက်၌ ကျိုးနွံအပ်နှံရမည်၊ မဟုတ်လျှင် မည်သူမှ နောက်တဆင့်ကို တက်လှမ်းနိုင်မည် မဟုတ်ပေ။ ဘုရားသခင်သည် စကြဝဠာကို အောင်နိုင်ဖို့ နှုတ်ကပတ်တော်များကို အသုံးပြုပါလိမ့်မည်။ ဤအရာများကို သူခံယူထားသော လူ့ဇာတိနှင့် လုပ်ဆောင်မည် မဟုတ်ဘဲ စကြဝဠာ တစ်လျှောက်လုံးမှာ ရှိနေသော လူအားလုံးကို သိမ်းပိုက် အောင်နိုင်ဖို့ ဘုရားသခင်၏ နှုတ်ကထွက်လာပြီး လူ့ဇာတိခံယူသော ဖွင့်ဆိုချက်များအားဖြင့် လုပ်ဆောင်မည်ဖြစ်သည်။ ဤအရာသာ နှုတ်ကပတ်တော်သည် လူ့ဇာတိကို ခံယူခြင်းဖြစ်ပြီး ဤအရာသာ လူ့ဇာတိ၌ နှုတ်ကပတ်တော် ပေါ်လာခြင်း ဖြစ်သည်။ ဤအရာသည် လူများအတွက်ဆိုလျှင် ဘုရားသခင်က လုပ်ဆောင်မှုများစွာ မလုပ်ခဲ့ဟု ထင်ရသကဲ့သို့ ဖြစ်နေသော်လည်း၊ လူများနှံ့နှံ့စပ်စပ် ယုံကြည်ဖို့နှင့် ကြောက်ရွံ့ရိုသေဖို့ ဘုရားသခင်က သူ၏ နှုတ်ကပတ်တော်များကို မြွက်ဆိုရုံပဲ ရှိပါသည်။ အချက်အလက်များ မရှိလျှင် လူများသည် အော်ဟစ်၊ ကြွေးကြော်ကြမည်ဖြစ်ပြီး၊ ဘုရားသခင်၏ နှုတ်ကပတ်တော်များနှင့်သာဆိုလျှင် သူတို့ ဆိတ်ငြိမ်ကျသွားမည် ဖြစ်သည်။ ဘုရားသခင်သည် ဤအရာများကို အမှန်ပြည့်စုံစေမည် ဖြစ်သည်၊ အဘယ့်ကြောင့်ဆိုလျှင် ဤအရာသည် သူ၏ ရေရှည်စီမံကိန်းဖြစ်သော နှုတ်ကပတ်တော် ဤလောကကို ရောက်ရှိခြင်းအား အကောင်အထည်ဖော်ခြင်း ဖြစ်သောကြောင့်ဖြစ်သည်။ အမှန်တကယ်မှာ အနှစ်တစ်ထောင် နိုင်ငံတော် ကမ္ဘာပေါ်သို့ ရောက်ရှိလာခြင်းသည် ဘုရားသခင်၏ နှုတ်ကပတ်တော်များ ကမ္ဘာသို့ ရောက်ရှိခြင်းပင် ဖြစ်သည်ဟူသည့် ကိစ္စကို ငါရှင်းပြစရာမလိုပါ။ ကောင်းကင်က ဆင်းသက်လာသော ယေရုရှလင်သစ် ဆိုသည်မှာ လူများ၏ ပြုမှု၊ လုပ်ဆောင်ချက်အားလုံး၊ အတွင်းအကျဆုံးသော အတွေးအားလုံးထဲမှာ အတူရှိရန်နှင့် လူများထဲမှာ ရှင်သန်ရန် ဘုရားသခင်၏ နှုတ်ကပတ်တော်များ ရောက်ရှိလာခြင်းပင် ဖြစ်သည်။ ဤအရာသည်လည်း ဘုရားသခင် ပြည့်စုံစေလိမ့်မည်ဆိုသော အချက်နှင့် အနှစ်တစ်ထောင် နိုင်ငံတော်၏ အံ့သြဖွယ် မြင်ကွင်းများ ဖြစ်သည်။ ဘုရားသခင် ချမှတ်ထားသော အစီအစဉ်သည် ဤအတိုင်းဖြစ်သည် သူ၏ နှုတ်ကပတ်တော်များသည် ကမ္ဘာပေါ်မှာ နှစ်တစ်ထောင်ကြာအောင် ပေါ်လာမည်၊ သူ၏ လုပ်ဆောင်ချက်များ အားလုံးကို ထိုအရာများက ပေါ်လွင်ထင်ရှားစေပြီး ကမ္ဘာပေါ်က သူ၏ အမှုများအားလုံးကို ပြီးစီးစေမည်၊ ထို့နောက်တွင်ကား လူသားမျိုးနွယ်၏ ဤအဆင့်သည် နိဂုံးအဆုံးပိုင်းကို ရောက်လာမည်ဖြစ်သည်။

နှုတ်ကပတ်တော်သည် လူ့ဇာတိ၌ ပေါ်လာ၏ မှ

ဆောင်းပါး မူလရင်းမြစ်နေရာ  နှစ်တစ်ထောင်နိုင်ငံတော် ရောက်ရှိလာခဲ့ပြီ